اساسيات تصميم اليفط الاعلانية‏

اساسيات تصميم اليفط الاعلانية‏
النهارده بقى حنتكلم عن اليفط
ايه هيا اليفط وايه اهميتها
طبعا اليفط دى عباره عن الاعلان الثابت اللى بيعبر عن نوع النشاط اللى بيمارسه صاحب اليافطه
اهميتها طبعا انها بتعمل دعايه لصاحب النشاط فى دائره نشاطه
يعنى انت مثلا نزلت الشارع بالليل بتدور على سوبر ماركت وكل الناس قافله
لكن لمحت من بعيد يافطه منوره مكتوب عليها سوبر ماركت
يبقى حتروح عليها على طول
يبقى كده الراجل صاحب السوبر ماركت استفاد من اليافطه

مثال تانى برضه
يافطه عياده دكتور
انت رايح لعنوان عياده دكتور واول مره تروح ولسه حتدور على مكان العياده
وانت واقف فى الشارع لقيت يافطه مكتوب عليها اسم العياده اللى انت بتدور عليها
يبقى كده اليافطه دى سهلت عليك انك تدور كتير
علشان كده اليفط مهمه جدا لاى صاحب نشاط
ولا غنى عنها
مفيش حد بيفتح محل او مكتب او شركه الا واول حاجه بيفكر يعملها هيا اليافطه
عرفنا خلاص اهميه اليفط

نيجى بقى لانواع اليفط
اليفط تلات انواع
فيلكس
وبانر
وفنيل


الفيلكس
دى عباره عن الخامه الجلد اللى بيتطبع عليها التصميم وبعد كده بتتشد على بوكس خشب وجواه لمبات علشان تعمل يافطه مضيئه


البانر
بقى عباره عن الخامه الجلد اللى بيتطبع عليها التصميم برضه بس مش بينفع يتحط وراها لمبات وبتتعلق عادى


الفنيل
ودى اليفط اللى مش بتتصمم بالالوان مثالها العادى قائمه الاسعار

احنا اللى يهمنا دلوقتى الفيلكس والبانر
لا وكمان دول مش مهمين
لان لما بيتطلب منك تصميم يافطه انت مش بيبقى ليك دعوه اليافطه دى حتتطبع فيلكس او بانر انت اللى يهمك تصممها وحكايه طباعتها لاى نوع بترجع للمطبعه مش ليك
معنى كده ان التصميم واحد لاى من النوعين دول
نيجى بقى لحته تصميم اليافطه
اولا انت بتشوف المقاس المطلوب كام
يعنى مثلا لو 2 متر فى 1 متر
بتفتح صحفه جديده فى الفوتوشوب مقاس 200 سم فى 100 سم
الجديد بقى
ان الريزليوشن بيبقى 72 بيكسل فى الانش
72 مش 300 زى الكروت
فيه حاجه مهمه لازم انبه ليها برضه
ان فيه ناس كتير بتقول انهم يصمموا اليافطه على مقاس صغير عادى وليكن مقاس الكارت وبعد كده يكبروها على المقاس الكبير
طبعا الكلام ده غلط
اليافطه بتتصمم على مقاسها الاصلى والريزليوشن الاصلى علشان تطلع كويسه فى الطباعه لكن لما تيجى تصممها على مقاس صغير وتكبرها بعد كده ابقى اتفرج عليها حتبقى عامله ازاى فى الطباعه
اوك عرفنا المعلومه المهمه دى
نيجى بقى لنقطه مهمه جدا
ان المصمم اللى اول مره يصمم يافطه
اول حاجه بتواجهه
انه بيقول ازاى اعرف ان اسم اليافطه اللى حاكتبه حيطلع كبير لما اليافطه تتطبع
انا باقول ان اسم اليافطه ده هوه المؤشر اللى عن طريقه حتوزع بقيه البيانات وتظبط حجمهم

فيه مكان للوجو تحطه برضه بمقاس كبير لان اللوجو مهم جدا لصاحب المكان

ثانيا: تكتب بيانات اليافطه بمقاس اصغر شويه من اسمها وتوزعهم بشكل حلو حسب ذوقك وتحاول على قد ما تقدر يبقوا واضحين ( تحطهم فى مربعات دواير مثلثات تطلع نور منهم اتصرف)

ثالثا: اهتم اوى بالصور لان الصور دى اول حاجه حيشوفها الناس قبل البيانات وكمان بتدى شكل لليافطه

تصميم اليفطه بسيط وسهل ومفيهوش حاجه
طالما انتوا عديتوا من مرحله الكروت الشخصيه حتبقى اليفطه سهله بالنسبه لكم
طبعا اليفط عاوزه شغل اكتر شويه من الكروت بس برضه سهله وبسيطه وبتتعمل على حسب دماغ الزبون
جه زبون عاوز يافطه مليانه وفيها صور اولاده وصورته هوه وصور كتير اوى للنشاط اللى حيعمله
نفذ كلامه وهوه حينبسط اوى من اليافطه حتى لو كان التصميم مش عاجبك
جالك زبون تانى عاوز يافطه شيك وبسيطه وبتعبر بابسط شىء عن نشاط المكان
ابقى مخمخ فيها وخلى اليافطه كلاسيك على قد ما تقدر
عامه اليافطه زى الكروت بتتنفذ على حسب دماغ الزبون
وده اللى عاوز اوصلهولكم بالنسبه لشغل الدعايه
انت بتصمم اى حاجة على حسب دماغ الزبون مش على حسب دماغك انت
فمش مهم انت مقتنع بيها ولا لأ انا مش بقولك امسك المايك وغنى
افتكر دايما ان التصميم اللى بتعمله ده للزبون مش ليك فلازم يكون على مزاجه هوه حتى ولو انت مش مقتنع بيه
لان اقتناعك مش مهم لاغلب الزباين اهم حاجه هما يقتنعوا وعندهم حق فى النقطه دى لان الزبون هوه صاحب النشاط وهوه اللى حيدفع والتصميم ده ليه هوه يبقى انت مش متحمل حاجه بعد كده
فيه مصممين بيقولوا لأ انا معملش تصميم وحش من وجهه نظرى علشان الزبون عاوز كده
انا باقولهم متبقاش تكتب اسمك على التصميم الوحش وابقى اكتبه على التصميم الجامد
وزى ما قولت قبل كده يا جماعه
مكاتب الدعايه دى مجرد بدايه
بعد كده لما تاخد خبره جامده فى المجال ده حتقدر تشتغل فى مكاتب للتصميمات بس
المكاتب دى اللى مش بتطلع اى تصميمات
ساعتها حتلاقى اللى انت عاوزه وحتلاقى ان المطلوب منك تصميمات نضيفه
ارجو ان المعلومه دى تكون وصلت لكم


النهاردة حاجة جديدة عشان بس اعرف اذا كان الكلام بتاعى دة كلة لية فايدة ولا انا بنبح صوتى وخلاص

Home work

مطلوب تصميم يافطه لمحل بيع اجهزه كمبيتور
اسمه
الطلخاوي لمستلزمات الكمبيوتر
النشاط: بيع اجهزه كمبيوتر كامله
بيع مكونات كمبيوتر
بيع شاشات مستعمله
شراء مكونات الكمبيوتر المستعمله
المطلوب صور لكومبيوترات ولوجوهات ماركات كومبيوتر والكلام ده واليافطه تكون غامقه شويه


أمثله لليافطه
يافطة رقم 1
http://filaty.com/i/1003/79827/1.jpg
يافطة رقم 2
http://filaty.com/i/1003/58910/2.jpg
يافطة رقم 3
http://filaty.com/i/1003/57384/3.jpg
يافطة رقم 4
http://filaty.com/i/1003/83354/4.jpg
يافطة رقم 5
http://filaty.com/i/1003/16167/5.jpg
يافطة رقم 6
http://filaty.com/i/1003/53617/6.jpg
يافطة رقم 7
http://filaty.com/i/1003/41019/7.jpg
يافطة رقم 8
http://filaty.com/i/1003/52184/8.jpg
يافطة رقم 9
http://filaty.com/i/1003/15055/9.jpg
يافطة رقم 10
http://filaty.com/i/1003/35725/10.jpg
يافطة رقم 11
http://filaty.com/i/1003/44844/11.jpg
يافطة رقم 12
http://filaty.com/i/1003/13175/12.jpg
يافطة رقم 13
http://filaty.com/i/1003/45619/13.jpg
يافطة رقم 14
http://filaty.com/i/1003/17265/14.jpg
يافطة رقم 15
http://filaty.com/i/1003/13131/15.jpg
يافطة رقم 16
http://filaty.com/i/1003/14074/16.jpg
يافطة رقم 17
http://filaty.com/i/1003/44847/17.jpg


ارجو يا جماعه ان اللى يدخل يعمل تطبيق ويوريهولى علشان انا بازعل لما مش بالاقى تطبيقات لانى باحس انى باكتب على الفاضى ومفيش حد استفاد

وانا مستنى تصبيقاتكم على الموضوع دة واللى هترفعوها فى قسم الصور فى الجروب وانا ان شاء الله هاعلق عليها وماحدش يتكسف من الشغل بتاعة مهما كان ماحدش فينا اتولد ديزاينر وكلنا لحد دلوقتى بتعلم

والسلام عليكم ورحمه الله وبركاته




مقدمه لكم برعاية


مــــــــول الطلخــــــــــــاوي بالعجمـــي
مـــــــدير المبيعات م/ خالــــــــد عبــــد اللطيف الطلخــــاوي
العنوان :الإسكندريه العجمي منطقة فضه بجوار مستشفى فاطمه الزهراء
تليفون : 034379812 موبايل : 0122564951
للمزيد من التفاصيل زوروا موقعنا


http://ecc-mall.webnode.com
للحملات الإعلانيه المماثله
ميديا وورلد للدعايه والإعلان الاليكتروني وخدمات الانترنت