موسوعة شرح العملاق الجديد AltDVB 2.0 حصرياً

موسوعة شرح العملاق الجديد AltDVB 2.0 حصرياً


بسم الله الرحمن الرحيم
هبتدى معاكم بإذن الله موضوع طويييييل شوية وهو ان احنا عايزين نفهم كل حاجة فى البرنامج الجديد AltDVB 2.0
البرنامج يمكن تحميله من قسم البرامج ولازم تحمل معاه الملف الخاص بنوع كارتك وتفك محتويات ملف البرنامج وتنقل ملف الكارت الى فولدر Devices الموجود جوة فولدر البرنامج
هتلاقى فولدر اسمه Plugins جواه كذا فولدر Av0 , Av1 , Av2
-رقم 0 خاص بالشاشة الرئيسية
-رقم 1 خاص بالصورة جوة صورة رقم 1
-رقم 2 خاص بالصورة جوة صورة رقم 2
حط جوة كل فولدر من الفولدرات دى نسخة من البلاجن اللى انت عاوزه يشتغل
يعنى S2emu لو هتفك به المشفر بتاع هوتبيرد و WinCSC للشيرنج.
يلا بقى بعد ماعملنا كدة نشغل البرنامج من ايقونة AltDVB.exe من الفولدر الرئيسى للبرنامج
اول حاجة هيسألنا البرنامج عن نوع الكارت بتاعك هتختار كارتك وتدوس Set Default علشان مايسألكش تانى

*************************
بعد كدة هتتفتح شاشة البرنامج الرئيسية بس بدون قنوات
هنبتدى بقى نعمل بحث عن القنوات واحد واحدة
1- دوس على زرار Scan من القايمة على شمال الشاشة
2-هتتفتح شاشة الأقمار بس طبعا بدون اقمار او بأقمار مش مطلوبة دوس على Add لإضافة القمر المطلوب البحث عن قنواته
3-هتتفتح قايمة الأقمار اختار القمر اللى انت عاوزه

هتتفتح قايمة ظبط الـ LNB والدايسك و الموتور
1- تأكد من اختيار نوع الـ LNB المناسب وهو غالباً KU-Linear
تقدر تظبط الدايسك والموتور حسب اللى انت بتستخدمه وفى الأخر دوس على

هترجع شاشة الأقمار تانى بس بعد اضافة القمر المختار حط علامة صح قدام اسم القمر وبعدين دوس على

هتتفتح شاشة البحث ودى اهم شاشة لازم ناخد بالنا منها
-اول حاجة استغل افضل ميزة فى البرنامج وهى خاصية تحديث ملف الترددات اوتوماتيك ودوس على زرار Update هيحدث ملف الترددات وهيوريك الترددات اللى تم تحديثها
-بعد كدة دوس على زرار Select علشان تختار كل الترددات للبحث الكامل عن القمر او علّم قدام الترددات اللى انت عاوزها بس يفضل انه يبحث عن كل الترددات للبحث الكامل
-دوس على زرار Scan علشان يبتدى البحث عن الترددات اللى تم اختيارها

هيبتدى البرنامج يعمل بحث على كل الترددات بشكل اوتوماتيك واول ما يخلص هيقول لك ان البحث انتهى تقدر بعد كدة تقفل شاشة البحث من زرار الاغلاق

هيسألك البرنامج هل عايز تحفظ القنوات الجديدة دوس طبعا Yes

بعد كدة هترجع لشاشة البرنامج مرة تانية بس هتلاقى القنوات موجودة فى شاشة البرنامج
-دوس على اسم اى قناة هتلاقى رسالة فى شاشة العرض تفيد بإن الكوديك مش مظبوط ..... ولا يهمك
-اعمل كليك يمين على شاشة العرض واختار DS Config علشان نظبط الكوديكات

هتتفتح شاشة ظبط الكوديك:
1- اختار كوديك عرض الفيديو
2-اختار كوديك عرض الصوت
3-اختار Video Renderer المناسب ويفضل طبعا انك تختار Video Mixing Renderer 9
4-اختار Audio Renderer وهو عبارة عن كارت الصوت عندك يعنى مفيش اختيارات
5-حط صح قدام الختيار الوحيد بالشاشة والخاص بامكانية التحكم بالصوت بتاع القناة يعنى تخلى الصوت على القناة اليمين بس او الشمال بس او تحولها من Stereo ل Mono
-وبعدين دوس على Save and apply

لو مالقتش الكوديك اللى انت عايزه ماتقلقش خاااااااااااااالص ممكن نضيفه براحتنا بعدين من شاشة البرنامج الرئيسية:
1- اضغط على Settings
2- هتتفتح شاشة الاعدادات اختار Video and Direct Show
3- دوس على Edit Known DS Filters
4- هتتفتح قايمة بالكوديكات اللى بيستخدمها البرنامج قايمة لكوديكات الفيديو يمكن تغييرها من اعلى اليسار لقايمة كوديكات الصوت. دوس بقى على زرار Add Filter
5- هتتفتح قايمة تانية فيها بقى كل الكوديكات الموجودة على الجهاز اختر الكوديك اللى عايز تضيفه (بس طبعا تأكد انه كوديك مناسب لعرض الـ DVB ). اعمل كليك مرتين على اسم الكوديك وبعد كدة دوس OK وكرر الموضوع ده مع كوديك الصوت
نأتى الى جزأ الكوديك و هو كوديك العرض المستخدم
MpegDecoder و ِAC Filter و يمكنك أضافة Divx pro
و هذا ما استخدمه شخصيا
http://gyik.ws/files/Satnews_11-02-10.zip
او حمل من هنا
http://www.prameg.com/vb/attachment.php?attachmentid=8456&d=1155855743




مقدمه لكم برعاية

شركة الشال للتنميه والاستثمار العقاري
مـــــــدير المبيعات / سامـــــــــــــــي الشــــــــــــــــال
العنوان :الإسكندريه العجمي الهانوفيل شاطئ الياسمين متفرع من شارع عمر بن الخطاب
تليفون :4355578/03(002)فاكس:4364723/03(002)موبايل0122415844 أو 0112336070
للمزيد


www.alshalrealestate.com
للحملات الإعلانيه المماثله
منظمة مديا وورلد للدعايه والإعلان الاليكتروني وخدمات الانترنت